***අදට වසර දෙකයි ***

සිනහවෙන් පිරුණු මුව
රුදුරු කරන්නට
සතුටින් පිරුණු ඇස
කදුලින් තෙමන්නට
නිදහසේ ඉගිලුණු හිත
ගින්නෙන් දවන්නට
මිනිසෙක් උන මම
යකෙක් කරන්නට
ඔබ වැය උනේ
වචන හතරයි
"මට උබව දැනෙන්නේ නෑ"
ඉතින්
අදට වසර දෙකයි
මට තාමත් ඒ
දෝංකාරය ඇසෙයි
එත්
අදටත් මා නිහඩයි
මට සතුටු මා ගැනයි

ආදරේ දැන් හරි ගණන්

හරිම ලාබෙට දුන්න
මගේ ආදර හිත
මහා මෙරක් තරම් උනත්
ලාබෙට දුන්නු නිසාම
වටිනා කම අඩු වෙලා ගියා,
දෙන්නේ නම් නෑ මං ආයේ
මගේ ආදරේ
හරිම අඩුවට,පුංචි ලාබෙට ...
මොකද ..
ආදරේ දැන් හරි ගණන්

ආලෝකයේ වේගයෙන්

යනවා නම්
ආලෝකයේ වේගයෙන්
ගත වෙන්නේ නෑලු
කාලය අපිට කවදාවත්,

-

-

-

-

-

-
එදා සිට තවමත්
අයින්ස්ටයින්
ආලෝකයේ වේගයෙන් ද?
නැතිනං
අපි තාමත්
ඉබි ගමනින්ද?

** අනංගයා **

 

නිදහස් සිත්
සංකර කරන
විනිවිද යන
භෞතික නොවූ
කළු සුදු
සිතුම් දහසක්
පාට පාටින්
හැඩ කරන
අදෘශ්‍යමාන
සිත් මිනුම්දන්ඩෙ
අයිතිකරු

මදුසමය

සඳ නැති දාට
තනි තරුවත්
ලස්සනයි
තරු නැති දාට
ඝන අඳුරත්
මනහරයි
නුඹ ඇති දාට
මගේ හිතත්
සංකරයි
අපි එනිසාම
ඝනඅඳුරට
පෙම් කරයි 

යාලුවනේ...පහුගිය දවස් වල විභාග  නිසා බ්ලොග් අවකාශයේ  සැරිසරන්න  නං හම්බුනේ නෑ .තරහ වෙන්න එපා.ඔයාල පහු ගිය පොස්ට් වලට දාපු කමෙන්ට් වලට රිප්ලයි කරන්නත් බැරි උනාට.දැන් විභාගය ඉවර වෙලා මම අයෙත් බ්ලොග් පියසට පය තිබ්බ.සමහරු මට බැනලත් තිබුන මම කමෙන්ට් වලට රිප්ලයි කරන්නේ නෑ කියල .අනේ අයෙමත් සමාව ඉල්ලනවා.ඉතින් ඔන්න මාසෙකට වැඩි කාලෙකට පස්සේ හැමෝගෙම  හිත නවතින තැනකින් පටන් ගත්ත ...ඒ මදුසමය ...කියවල හොද නරක කියන්නන්කෝ ....